Amazon ovuc izi ilə ödəniş olunacaq kassa terminalları yaradacaq

Məlumat bazasının köməyi ilə şirkət müştərilərinin davranışlarını öncədən xəbər verən alqoritmləri yaxşılaşdıra biləcək.

• WSJ yazır ki, Amazon şirkəti alış-veriş zamanı ovuc izi ilə ödəniş etməyə imkan verən kassa terminalları yaradacaq. Texnologiya ilkin hazırlanma mərhələsindədir və gələcəkdə müştərilərin biometrik məlumatları ilə bank kartlarının əlaqələnməsi mümkün olacaq.
• Bəzi mənbələrə görə, şirkət bu cür qurğulardan alıcıların daimi axını olan biznes sahələrində- kafe və əlüstü yemək yeyilən restoranlarda geniş istifadə olunacağına ümid edir.
• Güman ki, Amazon terminallarında qeydə alınacaq məlumatları öz arxivində saxlayacaq. Bel’ olduqda şirkət öz saytında istifadəçilərin əməliyyatlarını və onların aldıqları ilə bağlı məlumatları müqayisə etməklə müştərilərin davranışlarını qabaqcadan proqnozlaşdıra və reklam verənlərdən böyük gəlir əldə edə biləcək - WSJ mənbələri bildirir.
• Amazon artıq terminallar vasitəsilə işləmləri yoxlamağa imkan verəcək Vısa sistemi ilə layihə işlərinə başlayıb. Nəşrin bildirdiyinə görə, şirkət həmçinin MasterCard-la danışıqlar aparır.

Bundan başqa Amazon özünün Amazon Pay adlı rəqəmli pul cüzdanını yaradır.  O, istifadəçilərə yalnız Amazonda deyil , müxtəlif internet mağazalarında ödəməyə icazə verəcək.