22 yanvar 2020, çərşənbə
.
.
chevron_left chevron_right
AZƏRBAYCAN

Əhalinin qida təhlükəsizliyi ilə bağlı sənəd Milli Məclisdə

Əhalinin qida təhlükəsizliyi ilə bağlı sənəd Milli Məclisdə

343 Baxış
Əhalinin qida təhlükəsizliyi ilə bağlı sənəd Milli Məclisdə

 

Milli Məclisin 2019-cu il payız sessiyasında "Qida təhlükəsizliyi haqqında" qanun layihəsi müzakirəyə çıxarıla bilər.

Bu barədə Oxu.Az-a Milli Məclisin Aqrar siyasət komitəsinin sədri Eldar İbrahimov məlumat verib.

E.İbrahimov qanun layihəsinə hər hansı dəyişikliyin olub-olmaması haqqında təfərrüatları açıqlamaq istəməyib. Bununla belə, qeyd edib ki, sənəd üzərində ciddi iş gedir.

Onun sözlərinə görə, Aqrar siyasət komitəsi sözügedən qanun layihəsinin işlər planına daxil edilməsinə çalışacaq.

Deputat onu da əlavə edib ki, sentyabrın 20-də komitənin iclası keçiriləcək.

Qeyd edək ki, 2019-cu ilin fevralında Azərbaycan Qida Təhlükəsizliyi Agentliyi, Avropa İttifaqının Bakıdakı nümayəndəliyi və Azərbaycan Sahibkarlar (İşəgötürənlər) Təşkilatları Milli Konfederasiyası tərəfindən ictimaiyyət nümayəndələrinin iştirakı ilə "Qida Təhlükəsizliyi haqqında" qanun layihəsinin ictimai müzakirəsi keçirilmişdi.

Qabaqcıl beynəlxalq təcrübəyə əsaslanan qida təhlükəsizliyi sisteminin qurulması, ölkədə istehsal edilən qida məhsullarının xarici bazarlara ixracının asanlaşdırılması qanun layihəsində öz əksini tapıb.

Həmçinin istehlakçıların hüquqlarının qorunması və digər məsələlər qanun layihəsində vurğulanır.

Aqşin Kərimov





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Xınalıq
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X