'Formula 1' komandaları Bakıda gecəsi 3 min avroya nömrə bron ediblər
Azərbaycan Qran Prisində iştirak etmək üçün Bakıya gələn komandaların bəziləri “Hilton Hotel”də gecəsi 3 min avro (təxminən 6 min manat) olan prezident suitləri bron ediblər.
“Report” xəbər verir ki, bu barədə otelin əməliyyat direktoru Lars Sammelius formule1.nl saytına bildirib. O, artıq “Hilton Hotel”dəki bütün nömrələrin tutulduğunu söyləyib.
“Hilton Hotel”də adi günlərdə prezident suitlərinin qiyməti təxminən 4 min manat təşkil edir. Bu nömrədə 3 otaq, eləcə də mətbəx var. Həmçinin 17-ci mərtəbədə şam yeməyi üçün xüsusi məkan, şəxsi spa və idman zalı mövcuddur.
Qeyd edək ki, Azərbaycan Qran Prisi 26 - 28 apreldə keçiriləcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət