Honor Aston Martin ilə birlikdə unikal smartfon istifadəyə verəcək
“Honor” smartfon markası “Aston Martin” avtomobil brendi ilə birlikdə unikal smartfon təqdim edəcək.
TED.az xəbər verir ki, 26 noyabr tarixində “Honor” şirkəti, “Honor Vera30” (Honor V30) adlı smartfonunu təqdim edəcək.
“Aston Martin” və “Honor”un imzaladığı rəsmi müqavilə çərçivəsində “Honor V30”un xüsusi buraxılışının təqdim ediləcəyi təsdiq olunub.
“Honor V30 Aston Martin Edition” ekranın küncündə quraşdırılmış ikili ön kamera, təkkristallı “Kirin 990” sistemi, həmçinin 60, 16 və 2 meqapiksellik görüntü sensorları olan əsas kamera ilə təchiz olunacaq. Smartfonun 22,5 Vt-lıq enerji yığma gücü və 4000 mAs-lıq batareyanı dəstəkləyəcəyi də gözlənilir.
Qeyd edək ki, smartfonun tədqimatında yeni “Honor Watch Magic 2” ağıllı saatı və “Honor Smart Scale 2” ağıllı tərəzi nümayiş olunacaq.
Şərhlər
Şərhləri göstər Şərhləri gizlət