1. TİBB VƏ SAĞLAMLIQ

Koronavirus xəstələri əlil qala bilərmi? - Həkim xəstəliyin dəhşətli nəticələrindən necə qorunmaq lazım olduğunu söylədi

Koronavirus xəstələri əlil qala bilərmi? - Həkim xəstəliyin dəhşətli nəticələrindən necə qorunmaq lazım olduğunu söylədi

Koronavirus xəstələri əlil qala bilərmi? - Həkim xəstəliyin dəhşətli nəticələrindən necə qorunmaq lazım…

Koronavirus xəstələri müvəffəqiyyətli terapiya kursundan keçir, xəstəlikdən tamamilə müalicə olunur və evə qayıdırlar, ancaq xəstəliyin bəzi nəticələri insan bədənində uzun müddət qala bilər.

Ens.az xəbər verir ki, Publika.az xəbər verir ki, indi də tibbi forumlarda koronavirus xəstələrinin əlil qalma ehtimalı aktiv şəkildə müzakirə olunur. Arbat Tibb Mərkəzinin Piroqov tibb şöbəsində baş həkim müavini olan Anastasiya Samkova kp.ru-ya verdiyi müsahibəsində bu məsələyə aydınlıq gətirib. O, “Bu mümkündürmü və hansı şəraitdə xəstəlik belə nəticələnə bilər” suallarına ətraflı cavab verib.

“Çaxnaşma virusun bədənə sistemli ziyan vurması ilə bağlıdır. Yalnız ağciyərlərə deyil, ürək-damar sisteminə, əsas orqanlara: beyin, mədə, bağırsaq və böyrəklərə də zərər verir. Pnevmoniyadan sonra ağciyərdəki dəyişiklik uzun müddət davam edə bilər, çünki iltihabın nəticəsi fibrozdur”, - tibb elmləri namizədi izah edib.

A.Samkova vaxtında və effektiv reabilitasiyanın vacibliyini qeyd edib, çünki düzgün yanaşma ilə xəstə klinik olaraq tam bərpa olunur:

“Ağciyərlərdən danışırıqsa, onda reabilitasiyanın məqsədi bu orqanların funksional həcmini artırmaq, tənəffüs əzələlərinin işini gücləndirməkdir. Koronavirus infeksiyasının təsiri nəticəsində meydana gələn lif dəyişikliklərini müalicə etmək ən çətinidir. Eyni zamanda düzgün yanaşma ilə bədənin uyğunlaşma imkanları insanın tam sağalmasına imkan verə bilər. Əsas odur ki, reabilitasiyanı gecikdirməyin, virusun müalicəsi başa çatdıqdan dərhal sonra başlayın və kursu ləngitməyin. Belə şəraitdə orqanizm üçün ciddi nəticələrin yaranma riski daha azdır”.

Məlumat üçün bildirək ki, Amerikalı mütəxəssislər gələcəkdə yalnız ikiqat peyvəndin təsirli ola biləcəyi qənaətindədir. Alimlər hesab edir ki, vaksin istehsalçıları bir insanın koronavirusa tam immunitet yaratmaq üçün neçə doza peyvənd etməli olduğunu göstərməlidir.

 

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.