"Milan"ın İbrahimoviçə təklif etdiyi müqavilə

"Milan"ın İbrahimoviçə təklif etdiyi müqavilə

"Milan”ın "Los-Anceles Qelaksi”dən ayrılan Zlatan İbrahimoviçə təklif etdiyi müqavilənin bəzi detalları açıqlanıb.

 

Fanat.Az "La Gazzetta dello Sport”a istinadən xəbər verir ki, A Seriyası təmsilçisi 38 yaşlı hücumçuya 6 ay + 1 il şərti ilə anlaşma təklif edib. İbrahimoviç təklifi qəbul eləsə, 18 ayda 6 milyon avro qazana bilər.

 

Qeyd edək ki, İbrahimoviç indiyədək "Los Anceles Qalaksi”dən başqa İsveçin "Malmö”, Niderlandın "Ayaks”, İtaliyanın "Yuventus”, "İnter”, "Milan”, İspaniyanın "Barselona”, Fransanın PSJ və İngiltərənin "Mançester Yunayted” klublarının formasını geyinib.