17 fevral 2020, bazar ertəsi
.
.
chevron_left chevron_right
MARAQLI

Möcüzə baş verdi: gözdən əlil qəzadan sonra görməyə başladı

Ağlasığmaz şəfa: Gözdən əlil qəzadan sonra görməyə başladı

1338 Baxış
Möcüzə baş verdi: gözdən əlil qəzadan sonra görməyə başladı

Ens.az xəbər verir ki, Polşada gözdən əlil olan bir kişinin qəzaya düşməsi onun üçün xoşbəxt sonluqla nəticələnib. Belə ki, qəza zamanı omba sınığı alsa da, əvəzində görmə qabiliyyəti bərpa olunub .

"Polsat News" nəşrinin verdiyi məlumata görə, Qojuva-Vielkopolskie sakini Yanuş Goray allergik reaksiyadan gözünün torlu qişasında yaranan problemlər nəticəsində 20 il əvvəl görmə qabiliyyətini itiribmiş. O yalnız çətinliklə parlaq işığı seçə və cisimlərin qeyri-müəyyən konturlarını ayırd edə bilirmiş.

Ancaq onu maşın vurduqdan sonra həyatında hər şey dəyişib. Omba sümüyünün sınığı ilə sonuclanan qəza zamanı başı sərt şəkildə yerə dəyib və xəstəxanaya aparılıb. Huşu üstünə gələndə isə Yanuş daha yaxşı görməyə başladığını fərq edib.

Görməsində yaxşılaşma prosesi daha da irəliləyib və xəstəxanadan çıxan vaxt demək olar ki, 100% görmə qabiliyyətinə sahib olub.

Baş verənlərdən həkimlər çaşqındır və şəfa fenomenini elm baxımından izah edə bilmirlər. Yanuşun özü görməsinin bərpa olunmasını tanrının lütfü kimi qəbul edib və əlavə müayinələrdən imtina edərək qəzadan sonra götürüldüyü xəstəxanada təhlükəsizlik işçisi kimi işə düzəlib.


Müəllif: Fəxri Qocayev


Mənbə: www.eg.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Kapri, İtaliya
Emosiya ilə reaksiya ver!
  • 1
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X