Ens.az
23 noyabr 2019, şənbə
.
.
chevron_left chevron_right
ELM

Üztanıma funksiyalı eynəklərin sınaqları keçirilir

Üztanıma funksiyalı eynəklərin sınaqları keçirilir

220 Baxış
Üztanıma funksiyalı eynəklərin sınaqları keçirilir

Texnologiyanın daha bir nailiyyəti - üztanıma funksiyalı eynəklərin sınaqları keçirilir. AZƏRTAC TASS agentliyinə istinadla xəbər verir ki, “NtechLab” şirkətində hazırlanan bu eynəklərin sınaqları bu ilin payızında yekunlaşacaq və bundan sonra onların kütləvi istehsalına başlanacaq.

Qeyd olunur ki, üztanıma funksiyalı eynəklərin təcrübə mərhələsində istismarını Moskva şəhərinin İnformasiya texnologiyaları departamenti həyata keçirəcək. Yeni texnoloji ixtiranın özəlliyi ondan ibarətdir ki, eynəklərin vasitəsilə cinayətdə şübhəli bilinən və ya digər səbəblərdən axtarılan şəxsi ən sıx insan kütləsinin arasında da müəyyən etmək mümkün olacaq. Belə ki, eynəyin linzasında olan cihaz həmin şəxsin məlumatlarını operativ şəkildə təhlil edərək mərkəzə ötürəcək. Şirkətin mütəxəssislərinin sözlərinə görə, yaxınlıqdakı mobil cihazların siqnallarının yaratdığı maneələrlə bağlı son detallar, habelə batareyaların fəaliyyəti təkmilləşdirilir.

“NtechLab” şirkəti layihənin texniki reallaşdırılması ilə məşğul olur və müvafiq proqramı hazırlayır. Eynəklər isə müxtəlif istehsalçıların məhsulu ola bilər.

Üztanıma funksiyalı eynəklərin Rusiyanın iri şəhərlərinin polis orqanlarında istifadə olunacağı bildirilir. Layihənin müəllifləri bildiriblər ki, qanun keşikçiləri onların köməyi ilə cinayətkarı hər hansı qələbəlikdə aşkar edə bilərlər, çünki bu eynəklər maksimum 1 saniyə ərzində bir neçə milyard fotoşəkil olan bazadan həmin şəxsi axtarıb tapacaq.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Görkəmli yazıçı Seyfəddin Dağlı Cəfər Cabbarlının qızı Gülarə xanımla evli olub.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X