Ağ Aşıq Allahverdi - Səndədir
Mah camalın şölə saçır ay kimi,
Gözüm, könlüm, ay Süsənbər səndədir.
Qaşların sinəmi oxlar yay kimi,
Bir baharsan, müşki-ənbər səndədir.
Yandı qürbət eldə dilim, dodağım,
Çatıb Al-Osmana sözüm, sorağım.
Bir busə ver dada gəlsin damağım,
Yandı cigər, abi-kövsər səndədir.
Üzündə xallara salmışam nəzər,
Daldalan, görməsin səni bədnəzər.
Hər nadan bilməz ki, nədir simu-zər,
Allahverdi, dürrü-gövhər səndədir.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət