Daşaltıda itkin düşmüş şəxsin meyitinin qalıqları 31 il sonra Şamaxıda dəfn olunub

Daşaltıda itkin düşmüş şəxsin meyitinin qalıqları 31 il sonra Şamaxıda dəfn olunub

Birinci Qarabağ müharibəsi zamanı Şuşanın Daşaltı kəndində itkin düşmüş Baba Mikayılovun meyitinin qalıqları Şamaxı rayonunun Göylər kəndində dəfn olunub.

"Report"un Yuxarı Şirvan bürosu xəbər verir ki, dəfindən əvvəl şəhidlə vida mərasimi keçirilib.

B.Mikayılovun vaxtilə yaşadığı evdə təşkil olunan mərasimdə Şamaxı Rayon İcra Hakimiyyətinin rəhbərliyi, rayonun hüquq mühafizə orqanlarının əməkdaşları, ailə üzvləri, yaxınları, eləcə də rayon ictimaiyyətinin nümayəndələri iştirak ediblər.

Mərasimdən sonra şəhid Göylər kənd qəbiristanlığında torpağa tapşırılıb.