Doktorantura səviyyəsi üzrə elektron sənəd qəbuluna başlanılır
Bu gün saat 11:00-dan ali təhsil pilləsinin doktorantura səviyyəsinə sənəd qəbulu prosesinə başlanılır.
"Ens.az" “Report”a istinadla xəbər verir ki,bu barədə Elm və Təhsil Nazirliyi məlumat yayıb.
Portal.edu.az vasitəsilə Təhsil Mərkəzləşdirilmiş İnformasiya Sisteminə qoşulmuş ali təhsil müəssisələrinə, elmi müəssisə və təşkilatlara doktorantura üzrə qəbul olmaq istəyənlər “Şəxsi kabinet” vasitəsilə elektron formada müraciət edib, cari status və növbəti addımları izləyə biliblər. Müraciətlərinə müəssisələr tərəfindən müsbət rəy verilən şəxslər xarici dil imtahanında iştirak hüququ qazanacaqlar.
Müraciətlərin elektron formada həyata keçirilməsi tələbələrə təhsil haqqını müəssisəyə getmədən ödəmək, imtahan nəticələri və digər yeniliklər barədə məlumat əldə etmək imkanı da yaradır.
Qeyd edək ki, sənəd qəbulu prosesi mayın 15-də saat 18:00-da başa çatacaq.
Şərhlər
Şərhləri göstər Şərhləri gizlət