Ərdoğan Netanyahunun hərəkətlərini Hitlerin cinayətləri ilə müqayisə etdi

Ərdoğan Netanyahunun hərəkətlərini Hitlerin cinayətləri ilə müqayisə etdi

“İsrailin Baş naziri Benyamin Netanyahunun Qəzzada törətdiyi hərbi cinayətləri Hitlerin başçılıq etdiyi nasist rejiminin əməlləri ilə müqayisə etmək olar”.

Yeniavaz.com “TRT Haber”ə istinadən xəbər verir ki, bunu Türkiyə Prezidenti Rəcəb Tayyib Ərdoğan Ankarada çıxışı zamanı deyib.

"Qəzzada hücumların başlamasından 80 gün keçir, bu müddət ərzində insanlığın bütün dəyərləri vurulub. Netanyahu və onun bu gün törətdiyi cinayətlər ilə Hitler və 80 il əvvəl Nasist Almaniyasında baş verənlər arasında heç bir fərq yoxdur”, - Ərdoğan bildirib.

Türkiyə prezidenti yenidən Qərbi Qəzza faciəsi fonunda fəaliyyətsizlikdə ittiham edib:

“Almaniya hələ də Hitlerin etdiklərinin əvəzini ödəyir, ona görə də susur. Qərbin İsrailə borcu var, Türkiyənin isə borcu yoxdur. Amerika İsrailə hər cür yardım edir, bu yardımla İsrail Qəzza sakinlərini qətlə yetirir”.