Gözlərindən

Gözlərindən

Cəmilə müəllimədən Aprel şəhidi Orucəliyev Qabilin və onun timsalında dünyasını nakam dəyişən şəhidlərimizin əziz xatirəsinə ithaf olunur.

 

Gözlərindən

 

Doyunca sevirəm deyə bilmədim

Fələk yamanca tez ayırdı bizi

Körpəmin qoxusun duya bilmədim

Qoruya bilmədi sevgimiz bizi.

 

Ayrılıq olar deyə

Öpməzdim gözlərindən

İndi ki, ayrılırıq

Gəl öpüm üz-gözündən.

 

Gülüm, incimisənsə

Hər hansı bir sözümdən

Gələrəm mən yuxuna

Öpərəm gözlərindən.

 

Aprel 2016