Ukraynaya yardım haqqında alternativ qanun layihəsinin Konqresə təqdim olunacağı tarix açıqlanıb
ABŞ Konqresinin Nümayəndələr Palatası martın 22-dən sonra Ukraynaya yardımın maliyyələşdirilməsi ilə bağlı alternativ qanun layihəsi təqdim etməyi planlaşdırır.
“Report” CNN-in müxbiri Manu Racuya istinadən xəbər verir ki, bu barədə ABŞ Nümayəndələr Palatasının Xarici Siyasət Komitəsinin rəhbəri Maykl Makkol bildirib.
Makkolun sözlərinə görə, qanun layihəsi martın 22-də Konqres hökumətin maliyyələşdirilməsi məsələsini həll etdikdən sonra təqdim olunacaq.
Eyni zamanda o, Nümayəndələr Palatasının spikeri Mayk Consonun belə bir təşəbbüsü dəstəkləyəcəyini irəli sürüb.
Xatırladaq ki, daha öncə CNN ABŞ-nin Ukraynaya 60 milyard dollar məbləğində yardımı ehtiva edən yeni qanun layihəsinin martın sonunda və ya apreldə hazırlana biləcəyinə dair məlumat yaymışdı.
Şərhlər
Şərhləri göstər Şərhləri gizlət