Alexa
19 oktyabr 2018, cümə
.
24
Ağcabədi
.
chevron_left chevron_right
Azərbaycan

"Dərnəgül" yarmarkası bağlandı

"Dərnəgül" yarmarkası bağlandı

29 Baxış
"Dərnəgül" yarmarkası bağlandı

Paytaxtın Binəqədi rayonu, "Dərnəgül" qəsəbəsi, Koroğlu Rəhimov küçəsi 53 ünvanında hər həftənin şənbə və bazar günləri təşkil edilən yarmarka artıq 2 həftəyə yaxındır ki, bağlanıb.

"Kommersant.az" xəbər verir ki, sentyabrın əvvəllərində məkanın dam örtüyünün bir hissəsi sökülmüşdü.

Qeyd edək ki, ötən ilin sentyabrında da oxşar problem baş vermişdi. Yarmarkada üzərinə məhsulların yığılması üçün nəzərdə tutulmuş stollar sökülərək aparılmışdı. Lakin yarmarka işini 1 il ərzində davam etdirməyi bacarmışdı.

Məsələni aydınlaşdırmaq üçün əlaqə saxladığımız Kənd Təsərrüfatı Nazirliyinin mətbuat xidmətindən redaksiyamıza verilən açıqlamada bildirdilər ki, Dərnəgüldəki yarmarkanı Binəqədi Rayon İcra Hakimiyyəti təşkil edir:

"2 şəxs məsələ ilə bağlı Qaynar xəttə zəng vurmuşdu. Yarmarkanın işləyib-işləməyəcəyini soruşurdular. Suallarına aydınlıq gətirilməsi üçün onlara Binəqədi Rayon İcra Hakimiyyətinə müraciət etməli olduqları bildirildi. Fermerlərdən isə məsələ ilə bağlı Kənd Təsərrüfatı Nazirliyinə müraciət daxil olmayıb".

Xatırladaq ki, Kənd Təsərrüfatı Nazirliyindən ötən dəfə "Kommersant.az"a verilən açıqlamada bildirilmişdi ki, Nazirliyin yarmarkaların təşkilində birbaşa iştirak forması yoxdur:

"Nazirlər Kabinetinin 3 aprel 2014-cü il tarixli, 94 nömrəli qərarının 21-ci maddəsinə əsasən, yarmarkalar yerli icra hakimiyyəti orqanları tərəfindən hazırlanmış tədbirlər planına uyğun olaraq həmin orqan tərəfindən təşkil edilir. Digər bəndə əsasən, kənd təsərrüfatı və ərzaq məhsullarının satış yarmarkaları hər həftənin şənbə və bazar günləri, habelə Kənd Təsərrüfatı Nazirliyinin təklifi əsasında bayram günləri və digər əlamətdar hadisələrlə bağlı müəyyən edilən günlərdə keçirilir. Yarmarkalar başdan-ayağa bərbad gündədir. Antisanitariya halları baş alıb gedir. Nazirliyin həmin yarmarkaların təşkilində hansısa iştirakı olsa idi, əminliklə deyə bilərik ki, o yarmarkalarda belə biabırçılıqlar olmazdı".

VİDEO QALEREYA
İspaniya tərcümədə "dovşanlar məkanı" deməkdir
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

adscode X