Priqojin təyyarə qəzasında öldü

Priqojin təyyarə qəzasında öldü

Rusiyanın Tver vilayətində "Embraer" təyyarəsi qəzaya uğrayıb.

Ens.az Axar.az-a istinadən xəbər verir ki, bu barədə "Rosavsiya" məlumat yayıb.

Qəza nəticəsində göyərtədə olan 10 sərnişinin hamısı ölüb. Onlardan 3-ü ekipaj üzvüdür.

Təyyarənin Moskvadan Sankt-Peterburqa uçduğu ehtimal edilir. Qəza Kujenkino kəndi yaxınlığında baş verib. Hazırda xilasedicilər axtarış aparır.

Rusiya Federal Hava Nəqliyyatı Agentliyi məlumat verib ki, sərnişinlərin siyahısında “Vaqner”in rəhbəri Yevgeni Priqojinin də adı var. Onlar qəza ilə bağlı araşdırmaya başladıqlarını da vurğulayıblar.

Tver vilayətinin qubernatoru İqor Rudenya təyyarə qəzası ilə bağlı vəziyyəti nəzarətə götürüb. Hüquq-mühafizə orqanlarının əməkdaşları və Fövqəladə Hallar Nazirliyinin əməkdaşları hadisə yerindədir. Onlar hadisənin təfərrüatını müəyyənləşdirir, həmçinin ölənlərin sayını dəqiqləşdirirlər.