![Siyavuş Novruzov: “Bank faizlərinin yuxarı olması ilə bağlı vətəndaşların narazılığı var”](https://www.ensiklopediya.az/images/news/siyavus-novruzov-bank-faizlerinin-yuxari-olmasi-ile-bagli-vetendaslarin-naraziligi-var.jpg)
Siyavuş Novruzov: “Bank faizlərinin yuxarı olması ilə bağlı vətəndaşların narazılığı var”
Azərbaycanda bank faizlərinin yuxarı olması ilə bağlı vətəndaşların narazılığı var.
"Ens.az" “Report”a istinadla xəbər verir ki, bunu Milli Məclisinin növbədənkənar sessiyasının növbəti iclasında deputat Siyavuş Novruzov deyib.
O bildirib ki, bizdə bank faizləri 14 %-dən başlayır: “Bu faizlər vətəndaşlara verilir ki, sahibkarlıq fəaliyyəti ilə məşğul olsunlar: "Düzdür, kənd təsərrüfatına ayrılan güzəştli faizlər var və bu faizlər 6 %-dən başlayır. Amma bu da çox yuxarıdır. Kənd təsərrüfatına qoyulan vəsaiti 3 idən tez qaytarmaq olmur. Ona görə də bu faizlər yuxarıdır”.
Deputatın sözlərinə görə, ABŞ-da hər hansı sahibkarın ümumi dövriyyəsi 6 %-dən yuxarı olanda FTB onunla məşğul olur ki, yəqin o ya silah, ya narkotik satır: “4 %-dən yuxarı faizlə kredit alan sahibkar nə ilə məşğul olmalıdır ki, həm bu krediti qaytarsın, həm də qazanc əldə etsin və işçi saxlasın. Vətəndaş üçün elə kredit sistemi yaradılmalıdır ki, kiçik və orta sahibkarlıq inkişaf etsin".
Şərhlər
Şərhləri göstər Şərhləri gizlət