Sovet maşınını ABŞ-da çox baha qiymətə satdılar

Dərc edildi: 26 mart 2020, 23.20 Baxış sayı: 662

Şəhər nəqliyyatında sovet maşınlarının payı çox azalıb. Hərçənd, okeanın o tərəfində də SSRİ-də istehsal olunmuş avtomobillərə ehtiyac duyurlar. Bizimyol.info xəbər verir ki, sovet maşınını ABŞ-da çox baha qiymətə satıblar. VAZ-2102 “eBay”da satışa çıxarılıb. “Jiquli” 18 min 295 dollara satılıb. Avtomobilin yeni sahibinə ilkin yardım üçün apteçka və ayrı-ayrı alətlərin zavod dəstini də təqdim ediblər. Maşın çox yaxşı vəziyyətdədir, cəmi 27 min 936 kilometr sürülüb. SSRİ dövlət nömrəsinə görə, avtomobilin ilk dəfə Rusiyanın Volqoqrad vilayətində asfalt üzərinə çıxdığı məlum olur. Bir neçə il ABŞ-da VAZ-2101 maşınını 9999 dollara satmışdılar. Həmin avtomobil təxminən 45 min kilometr sürülmüşdü.